Rasmiy munosabat

Ijtimoiy tarmoqlarda “Xonqa tuman bolalar shifoxonasida nima gaplar”  mavzusida videorolik tarqaldi. 
Xonqa tumanida joylashgan davolash profilaktika muassasalari shu jumladan, Tibbiyot birlashmasiga qarashli “Bolalar bo‘limi” Sanepidqo‘mitaning Xonqa tuman bo‘limi tomonidan, belgilangan tartibda, doimiy nazoratga olingan.
Haqiqatan ham, 7-aprel kuni kechki navbatchilikdagi kichik tibbiy xodim chiqindilarni o‘z vaqtida chiqindi yig‘ish konteyneriga olib bormasligi natijasida chiqindilar hojatxona oldi xonasida yig‘ilib qolgan. Bo‘limda  bemorlar ovqatlanishlari uchun barcha sharoitlarga ega bo‘lgan oshxona   bo‘lishiga qaramasdan bemorlar palatalarda ovqatlanishi natijasida palatalar tartibsiz holga kelgan va suvarak paydo bo‘lgan, bo‘lim boshlig‘i tomonidan bular nazorat qilinmagan. Yuqoridagi holatlarni bartaraf qilish maqsadida Sanepidqo‘mitaning Xonqa tuman bo‘limi boshlig‘ining 09.04.2025-yil №214-12-175-ses/2025-sonli buyrug‘i chiqarilib, “Bolalar bo‘limi”da, Xonqa tuman Tibbiyot birlashmasi boshlig‘i, boshliq o‘rinbosari va bo‘lim mudiri ishtirokida, sanitariya tekshiruvi o‘tkazildi. Tekshiruv davomida aniqlangan kamchiliklar joyida bartaraf qilindi, hashoratlarga qarshi dezinseksiya ishlari o‘tkazildi, kamchiliklarni takrorlamaslik yuzasidan ko‘rsatma va tavsiyalar berildi. Yo‘l qo‘ygan kamchiliklari uchun “Bolalar bo‘limi” mudiri va boshqa mas’ul xodimlarga nisbatan ma’muriy va intizomiy choralar ko‘rildi.